Framleiðarar til Kringvarp Føroya 

Um KVFTíðindi
Framleiðarar til Kringvarp Føroya 
Kringvarp Føroya søkir eftir tveimum sjónvarpsframleiðarum til Dag og viku. Talan er um tíðaravmarkað fulltíðarstørv
 
27.02.2025 - 11:22

Sum framleiðari verður tú partur av einum toymi á deildini Aktuelt við framleiðarum, fotografum og klipparum, sum m.a. arbeiða við tíðindum og ítrótti. Arbeiðsøkið er innan framleiðslu, foto, redigering og ljóð. Arbeiðstíðirnar eru skiftandi og skipaðar í vaktum.  

Størvini verða sett skjótast gjørligt, og starvssetanin er fram til 1. januar 2026.  

 
FØRLEIKAKRØV: 

● Tú hevur útbúgving sum miðlatøkningur ella líknandi, umframt arbeiðsroyndir frá fjølmiðlum. 

● Tú skalt hava góðar tøkniligar førleikar og duga grundleggjandi telduforrit. 

 
VIT VÆNTA: 

● at tú dugir at skipa arbeiðið væl, soleiðis at ásettar tíðarætlanir halda.  

● at tú ert kreativ/-ur, hevur gott hugflog og kanst geva títt íkast á redaktiónunum og framleiðslunum.  

● at tú ert kvik/-ur og megnar at arbeiða undir trýsti.  

● at tú hevur góð samstarvsevni, ert tolin og kanst arbeiða undir skiftandi arbeiðsumstøðum.   

● at tú ert eitt jaligt og arbeiðssamt starvsfólk. 

● at tú hevur áhuga fyri samfelagsviðurskiftum. 

 

VIT BJÓÐA:  

● eitt spennandi, avbjóðandi og mennandi starv í einum kreativum umhvørvi.  

● eitt starv, sum tú kanst seta tín dám á.  

● eitt starv, sum gevur tær innlit í føroyska samfelagið.  

 

SETANARVIÐURSKIFTI: 

Talan er um fulltíðarstarv, sum verður sett eftir sáttmálanum millum Starvsfelagið og Fíggjarmálaráðið. Tann, ið settur verður, má tola møguligar broytingar í starvsinnihaldi. 

 
UMSÓKNARFREIST: 

Umsókn við CV, prógvum, viðmælum og viðkomandi skjølum, skal sendast til umsokn@kvf.fo í seinasta lagi 10. mars 2025. Merk teldupostin “Framleiðari” í evnisrútin.  

Vilt tú hava meira kunning, ert tú vælkomin at venda tær til Elina Mirjamsdóttir, deildarleiðara á Aktuelt, telefon 296542 ella teldupost elinm@kvf.fo, ella til Bjarnheðin í Hoyvík, leiðandi framleiðara á Aktuelt, telefon 296655. 

 

Nýggjastu sendingar í ÚV
Fríggjadag 4. apríl
Vikuskiftið 4 apríl 2025
190276
Fríggjadag 4. apríl
Breddin: Suðuroyartunnilin
190254
Fríggjadag 4. apríl
Morgunlestur fríggjadagur 4.apríl 2025
189979
Hósdag 3. apríl
RagnarRokk 3.apríl 2025
189927
Nýggjastu sendingar í SV
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180

Um kvf css