Spenningur í steypakappingini

Spenningur í steypakappingini
Menninir hjá SÍ vunnu á útivølli ímóti finalistunum frá í fjør, og kvinnurnar hjá KÍF loyptu hvøkk á oddaliðið
Verandi steypavinnarin, Fleyr, var í stórum trupulleikum ímóti KÍF í Havn
 
09.01.2023 - 08:12

Menninir hjá SÍ fóru avstað við sigrinum, tá teir vitjaðu steypafinalistin, ÍF, í gjár.

Fuglfirðingarnir løgdu bragdliga fyri og vunnu við tíggju stigum í fyrsta setti, men sørvingar javnaðu til 1-1. ÍF vann aftur sannførandi í 3. setti, men SÍ vildi ikki geva skarvin yvir og bardi seg upp á javnleik. So skuldi javnbrótari til, og ÍF hevði ikki minni enn tríggjar dystarbóltar, áðrenn SÍ til endans vann 16-14.

Leygardagin vunnu menninir hjá Fleyr tryggan 3-0 sigur á Ternuni við settúrslitunum 25-15, 25-15, 25-13.

KÍF kløkkaði Fleyr

Verandi steypavinnarin við kvinnum, Fleyr, kom í stórar trupulleikar, tá KÍF vitjaði í Havn. Kollfirðingar vunnu tvey tey fyrstu settini, og vóru á odda seint í tí triðja, men so mistu teir alt á gólvið. 

Fleyr javnaði til 2-2, og álopsessið, Iuliiu Kuvshinova, endaði við at avgera javnbrótaran til fyrimuns fyri heimaliðið.

Mjølnir reisti seg

Kvinnurnar hjá Mjølni reistu seg væl og virðiliga eftir tapið fyri Ternuni mikukvøldið. Mjølnir vann 3-0 á Drátti og er aftur í kappingini um hálvfinalupláss. 

Er kopiera
Nýggjastu sendingar í ÚV
Fríggjadag 4. apríl
Vikuskiftið 4 apríl 2025
190276
Fríggjadag 4. apríl
Breddin: Suðuroyartunnilin
190254
Fríggjadag 4. apríl
Morgunlestur fríggjadagur 4.apríl 2025
189979
Hósdag 3. apríl
RagnarRokk 3.apríl 2025
189927
Nýggjastu sendingar í SV
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180