- Tíðindi, mentan og ítróttur
SalMar vil ikki hava størri part av Bakkafrosti
<div>Hvørki SalMar ella nakar annar norskur partaeigari í Bakkafrosti hava nakra ætlan um at eiga meirilutan í føroyska alifelagnum.</div><div><br></div><div>Tað stendur millum mangt annað í hoyringarsvarinum frá advokatvirkinum Wikborg, Rein & Co, sum Vinnumálaráðið hevur fingið, nú ætlanin er at broyta alilógina fyri at avmarka útlendska eigaraskapin í føroysku alingini.</div><div><br></div><div>Wikborg, Rein & Co. umboðar SalMar, sum eigur 25,21 prosent í Bakkafrosti, og kann keypa 4,66 prosent afturat, og aðrar norskar partaeigarar, sum eiga tilsamans 3,74 prosent.</div><div><br></div><div><b>Fær dramatiskar avleiðingar</b></div><div><br></div><div>Sambært hoyringarsvarinum heldur norska advokatvirkið uppá, at lógarbroytingin verður gjørd, tí Vinnumálaráðið stúrir fyri, at SalMar ætlar sær størri part í Bakkafrosti ella alla fyritøkuna, sum hon er. Eingin orsøk er at stúra fyri tí, sigur advokatvirkið, tí eingin slík ætlan er í Norra.</div><div><br></div><div>Men lógarbroytingin fær dramatiskar avleiðingar fyri øll, sum eiga partabrøv í Bakkafrosti. Torførari verður hjá teimum at fáa nakað líkinda avkast av íløguni í Bakkafrosti. </div><div><br></div><div>Partabrævið fer ivaleyst at minka í virði, sigur advokatvirkið. Serligir partaeigarar, so sum peningarstovnar og pensjónskassar, fara kanska at taka seg aftur, so Bakkafrost fær tap av tí alt fyri eitt. </div><div><br></div><div>Harafturat er vandi fyri, at føroyingar fara ikki at vilja ella kunna fíggja alivinnuna einsamallir. Tað verður eisini eitt bakkast fyri føroyska alivinnu, um dugnaligir útlendingar ikki sleppa í stjórn ella nevnd. </div><div><br></div><div>Og útlendingar missa ávirkanina á íløguna í Bakkafrosti. Harafturat fer lógarbroytingin at gera, at Bakkafrost fer ikki at kunna halda galdandi grundreglur um góða eigarastýring og leiðslu, har sum ikki verður gjørdur munur á partaeigarum. </div><div><br></div><div><b>Føroyska støðan viknar</b></div><div><br></div><div>Wikborg, Rein & Co hava nógvar viðmerkingar afturat um ætlanina hjá Johan Dahl. Og advokafelagið sigur, at til ber at røkka sama úrsliti við samstarvi við útlendskar íleggjarar. Felagið minnir eisini Vinnumálaráðið á heimasíðuna hjá Vinnumálaráðnum, sum eggjar útlendingum til at gera íløgur í Føroyum. </div><div><br></div><div>Verður lógarbroytingin samtykt, fer hon at gera støðu Føroya á altjóða kapitalmarknaðinum veikari. Og vóru Føroyar við í EBS samstarvinum millum ES og Efta, hevði eitt uppskot sum hetta verið ógjørligt. </div><div><br></div><div>SalMar hevur keypt seg inn í Bakkafrost í fjør og í ár. Seinast, SalMar keypti lut í Bakkafrosti, var 2.mai í ár. Hvørki SalMar ella aðrir norskir partaeigarar ætla sær meirilutan í Bakkafrosti.</div><div><br></div><div><b>Rakar bara Marine Harvest</b></div><div><br></div><div>Og so sigur Wikborg, Rein & Co. bart út, at eftir sum lógarbroytingin fyrst og fremst kemur av einum ynski um at fáa tamarhald á, hvussu SalMar brúkar sín ognarlut í Bakkafrost, vil SalMar góðtaka, at krav verður sett um bindandi samstarv við "sentrale færøyske aktører for a sikre varig lokal innflytelse i selskapet," sum tað stendur í hoyringarsvarinum. </div><div> </div><div>Áhugavert er, at meðan Wikborg, Rein & Co heldur uppá, at lógarbroytingin hevur eittans endamál, at leggja fót fyri SalMar í Bakkafrosti, sigur Marine Harvest Faroes, at lógarbroytingin rakar bara ætlanirnar hjá tí felagnum, sum eisini er norskt, í Føroyum. </div><div><br></div>
