Hava fiskað sløk 60.000 tons

Finnur Fríði er tað skipið, sum sambært hagtølunum hevur fiskað mesta makrelin í summar

Finnur Fríði hevur fiskað mesta makrelin í summar, 15.200 tons.

29.08.2012 - 10:23

<div>Framvegis er nógv minni av makreli fiskað í føroyskum sjógvi í ár, sammett við sama tíðarskeið í fjør. Tað vísa nýggjastu tølini frá Fiskiveiðieftirlitinum, sum Vágaportalurin hevur biðið um.</div><div><br></div><div>Til í gjár vóru fiskað góð 59.300 tons av makreli. 28. august í fjør høvdu føroysk skip fiskað 95.600 tons. Munurin er góð 36.000 tons, staðfesta tølini frá Fiskiveiðieftirlitinum.</div><div><br></div><div><b>Finnur Fríði bestur</b></div><div><br></div><div>Finnur Fríði er tað skipið, ið sambært hagtølunum hevur fiskað mesta makrelin í summar. Skipið er skrásett at hava fiskað 15.200 tons. Føroyska eginkvotan er góð 148.000 tons. Nakað er latið burturav í fiskivinnusamráðingum við onnur lond, so samanlagt hava føroysk skip loyvi at fiska 134.000 tons av makreli, meðan hann er í føroyskum sjógvi. Harumframt koma 6.000 tons, sum lupu av í fjør. </div><div><br></div><div>So samanlagt eru bara 43 prosent av føroysku makrelkvotuni fiskað.  Í fjør góvust skipini at fiska makrel 23. september.</div><div><br></div>