- Tíðindi, mentan og ítróttur
Fiskaútflutningurin vaksin 160 mió. kr. í ár
<div>Útflutningurin av fiski og fiskavørum vaks 160 milliónir krónur fyrra hálvár í ár, sammett við sama tíðarskeið í fjør. Sambært nýggjastu tølunum hjá Hagstovuni var fiskaútflutningurin tvær milliardir og 261 milliónir krónur fyrra hálvár. </div><div><br></div><div>Fiskur er at kalla alt, sum føroyska samfelagið flytur út. Sambært hagtølunum var útflutningurin av øðrum vørum góðar 80 milliónir, bæði fyrra hálvár í fjør og fyrra hálvár í ár. Alifiskurin er størsti einstaki útflutningsbólkurin. Fyrra hálvár útfluttu føroyingar alifisk fyri 849 milliónir krónur. </div><div><br></div><div><b>Uppsjóvarfiskur fyri 375 mió. kr.</b></div><div><br></div><div>Útflutningurin av botnfiski var 711 milliónir, meðan uppsjóvarfiskur varð útfluttur fyri 375 milliónir krónur. Fyrra hálvár í fjør útfluttu føroyingar skip fyri 268 milliónir krónur, meðan einki skip er selt av landinum í ár. </div><div><br></div><div>Sambært nýggjastu tølunum hjá Hagstovuni er størsti vøksturin í útflutninginum av uppsjóvarfiski. Tað kemst einamest av økta útflutninginum av svartkjafti, sum fyrra hálvár í ár var 36.000 tons. Sama tíðarskeið í fjør var hann 14.000 tons. Virðið av svartkjaftinum er farið úr 76 milliónum upp í 153 milliónir kr.</div><div><br></div><div><br></div><div><br></div>
