- Tíðindi, mentan og ítróttur
Javnaðarflokkurin og SF stóra afturgongd
<div>Bæði danski Javnaðarflokkurin og Sosialistiski Fólkaflokkurin eru lágt í metum hjá veljarunum eftir skattaavtaluna, sum varð gjørd í farnu viku.</div><div><br></div><div>Var val nú, hevði Javnaðarflokkurin bert fingið undirtøku frá 15,9 prosentum av veljarunum, og tað er søguliga vánaligt úrslit. SF hevði fingið 5,4 prosent av atkvøðunum.</div><div><br></div><div>Voxmeter hevur gjørt kanningina fyri Ritzau.</div><div><br></div><div>Á fólkatingsvalinum í fjør valdu 24,8 prosent Javnaðarflokkin, og 9,2 prosent valdu SF. Úrslitið í veljarakanningini hevði havt við sær, at Javnaðarflokkurin hevði fingið 28 umboð í fólkatingið. Flokkurin hevur í løtuni 44 sessir. SF hevði fingið níggju umboð, samanborið við tey 16, sum flokkurin hevur nú.</div><div><br></div><div>Radikali flokkurin hevði, sum tann einasti av stjórnarflokkunum, havt eina lítla framgongd.</div><div><br></div><div><b>Eindarlistin stóra framgongd</b></div><div><br></div><div>Eindarlistin, sum hevur verið stuðulsflokkur hjá stjórnini, hevði havt eina munandi framgongd, 5,6 prosent, um val var nú, og hevði fingið 12,2 prosent av atkvøðunum.</div><div><br></div><div>Sambært kanningini hevði Eindarlistin verið fjórði størsti flokkur í fólkatinginum við 22 umboðum, og bert Danski Fólkaflokkurin, Javnaðarflokkurin og Vinstrihøvdu verið størri.</div><div><br></div><div>Hóast Vinstri flokkurin eftir kanningini hevur eina lítla afturgongd, hevði flokkurin verið nógv størstur. Hann hevði fingið 34,9 prosent av atkvøðunum, samanborið við 26,7 prosent á valinum í fjør.</div><div><br></div>
