Frank In A Phonebox lagt demolag út á SoundCloud

Frank In A Phonebox er ein bólkur, ið fann saman í Nám X fyri tveimum árum síðani. Teir skriva og spæla síni egnu løg, og hava m.a. spælt fyri fullum húsi í Sirkus.

Í gjárkvøldið løgdu teir sangin "Seen Before" á SoundCloud. Hetta er fyrstu ferð, teir hava deilt teirra tilfar á netinum, men viðmerkjast skal, at lagið enn er ein demo-upptøka. 

- Tað er eitt lag, um at mann hevur verið í gjøgnum eina keðiliga hending, men í hinum endanum kemur mann út við einari nýggjari byrjan, og tá er tað ein feit byrjan, segði forsangarin, Hjalti Bogason í Reiðrinum sunnukvøldið.

Teir fimm ungu harrarnir, ið manna bólkin eru: Hjalti Bogason (sangari), Hallur við Skipá (bass), Pætur Jákupson (gittar), Sámal Rasmussen (gittar) og Hjørtur Háberg (trummur).

Samrøða við Frank In A Phonebox kann hoyrast týsdagin (í morgin) klokkan 16:00 á KvF, tá vit endursenda Reiðrið frá sunnukvøldinum. Har verður prátað um teir og teirra tónleik.

Hoyr lagið her!