Ákærdur fyri samlegu við sína egnu dóttur

Ákærdur fyri samlegu við sína egnu dóttur
Rætturin viðger málið í hesum døgum
Føroya rættur viðger í hesum døgum eitt mál um blygdanarskemd, samlegu og barnaporno.
 
07.09.2021 - 10:16

11 revsilógarbrot og eitt brot á kunngerðina um rúsevni eru í ákæruritinum móti einum manni, sum í hesum døgum er í Føroya rætti.

Maðurin er ákærdur fyri blygdanarskemd, fyri samlegu og annað kynsligt samband enn samlegu við sína egnu dóttur, sum var yngri enn 12 ár, hon er fødd í 2017. 

Í ákæruritinum er tíðarskeiðið, hetta skal vera hent, frá 31.mai 2018 til 21.august 2020.

Ákærur eru eisini um av órøttum at hava tikið myndir, fyri at hava barnaporno og fyri at hava 21,56 gramm av hashi. 

Umframt egnu dóttur sína, er maðurin ákærdur fyri at hava gjørt seg inn á bróðurdóttur ella systurdóttur sína, sum er fødd í 2009, tað skal vera hent í 2019 og 2020.

Myndir og filmar

Í sambandi við barnaporno, sigur ákæruritið, at talan er um 122 myndir og 174 filmsbrot.

Maðurin játtar seg sekan í onkrum ákærum, men noktar seg sekan í grovu ákærunum.

Hann hevur verið í varðhaldi í skjótt 11 mánaðir.

Maðurin varð tikin 12.oktober í fjør, tá hann kom til Havnar við Norrønu. Hann varð tikin, tí hann royndi at smugla hash.

Er kopiera
Nýggjastu sendingar í ÚV
Sunnudag 1. desember
Møti í Betesda
184478
Leygardag 30. november
TEMAPLÁTAN 40, 'Isolation', Toto, 1984
184316
Leygardag 30. november
Jambalaja - 301124
184448
Leygardag 30. november
Upp á tá - 291124
184433
Nýggjastu sendingar í SV
Sunnudag 1. desember
Hvør býr her? (4:4) - teknmálstulkað
184482
Sunnudag 1. desember
3-2
184480
Sunnudag 1. desember
Hvør býr her? (3:4) - teknmálstulkað
184477